ONDAS DE ILUSIÓNS - ESCOLAS DO MAR

O pasado martes 6 de xuño, o alumnado de 3º e 4º participamos na campaña Ondas de Ilusións, escola do mar do Grupo de Acción Local do sector pesqueiro do Golfo Ártabro Norte.

 Acompañáronos todo o día dous biólogos mariños que tiñan preparadas para nós unhas actividades moi interesantes: limpamos a praia e clasificamos os residuos (en pouco rato recollemos moitísimas bolsas de lixo!!!!); analizamos e buscamos especies vexetais invasoras; fixemos unha ruta de biodiversidade, na que observamos e anotamos distintos tipos de paxaros. Traballamos moito, aprendemos moito e, o mellor de todo, pasámolo xenial!!!!!!!!!!

 Neste enlace podedes acceder á páxina de ondas de ilusión e buscar as nosas fotos. http://ondasdeilusions.es/

 Tamén vos deixamos, coma sempre, un resumo en imaxes.

ONDAS DE ILUSIÓN 2017 - Kizoa Editar Videos - Movie Maker

PROXECTO DE CIENCIAS: XERMINACIÓN DE SEMENTES

As plantas reprodúcense de dúas maneiras: reproducción sexual (mediante sementes) e asexual (mediante cortes).Nas clases de ciencias naturais estivemos a traballar nun proxecto de xerminación de sementes. Ademáis elaboramos un diario de observación das nosas sementes e sacamos conclusións en canto á necesidade que teñen as plantas de luz e auga. Reproduxemos tamén tres plantas escollendo cachos doutras. Este é o noso traballo en imaxes:

Xerminación - Kizoa Editar Videos - Movie Maker

ACENTUACIÓN

Unha das maiores dificultades que ten aprender a escribir ben é a acentuación. Pero non vos preocupedes que se practicades moito, chega un momento en que sae só, e xa non o esquecedes nunca mais. Se facedes estes exercicios de cando en vez, aprenderedes xogando. A divertirse!!!

                                                                  

NATURAIS: AS PLANTAS

Aquí vos deixo algúns videos das plantas para que vaiades curioseando e aprendendo.

PDI FRAGA DO EUME

Como xa todos saberedes, no noso cole estamos a traballar nun Proxecto Documental Integrado sobre a Fraga do Eume. Enmarcado dentro deste proxecto, o alumnado de 3º fixemos unha saída didáctica a este fermoso lugar. Vimos un video sobre a fauna e a flora da Fraga, e fixemos unha andaina dende a Alameda ata as curripas que hai na outra beira do ría unha vez que pasas a primeira ponte colgante. Aprendemos a identificar algunhas árbores, a recoñecer pegadas e outros rastros dalgúns animais..... Pero sobre todo aprendemos a enorme riqueza natural da nosa Fraga e a que temos que contribuir na súa protección para que todo o mundo poida desfrutala . aquí vai un video do noso paso por este interesante lugar.

FRAGA DO EUME. ABRIL 17 - Kizoa Editar Videos - Movie Maker

SOCIAIS: O RELEVO E AS PAISAXES

Coma sempre, aquí vos deixo uns videos para ir situándonos e collendo información sobre o novo tema.

ANIMACIÓN Á LECTURA

Hoxe Alejandro, o bibliotecario municipal, invitounos a visitar a biblioteca e proxectounos un corto precioso sobre a importancia que teñen os libros nas nosas vidas. Gustounos moitísimo. Aquí volo deixo para que o podades ver as veces que queirades e así ir descubrindo novos detalles...

br />

8 DE MARZO. DÍA INTERNACIONAL DA MULLER

Na nosa escola educamos e medramos en igualdade, non só hoxe senon todos os días do ano.




Aquí vos deixo un par de entradas, sobre as que logo falaremos e debatiremos.



br />

NATURAIS: OS ANIMAIS

Adentrámonos no apaixoante mundo animal. Podedes ver os vídeos informativos para aprender un pouquiño máis.
Tamén, vos deixo un enlace á mellor serie sobre o mundo animal, "El hombre y la Tierra" Foi rodada por Félix Rodríguez de la Fuente. Preguntádelle aos vosos pais e nais se a coñecen!!! Se vos gustan os animais ides desfrutar moitísimos desta serie. Podedes ver os capítulos que aparecen ou buscar outros escribindo na ventá onde pon "Título". Espero que vos gusten.

FESTA DO ENTROIDO 2017

Aquí tedes o resultado do noso traballo en equipo preparando tema, disfraces, cancións, coreografía.... Foi divertido e quedou xenial!!!!

ENTROIDO 2017 - Kizoa Editar Videos - Movie Maker

O ENTROIDO XA ESTÁ AQUÍ

Xa está aquí, xa chegou o entroido. O cole está alborotado, cheo de cores e cancións.
E como no Couceiro este ano estamos a traballar nun proxecto común sobre as Fragas do Eume, o noso tesouro, todos os nosos disfraces xirarán en torno e ese tema. En terceiro traballaremos os animais invertebrados das Fragas e daquela, o noso disfraz é deses bichiños tan simpáticos. Déixovos a letra para que vaiades ensaiando na casa. A divertirse toca!!!!

      AS CORES DO VENTO

Ti cres que es o señor do territorio

a Terra só queres posuir

máis toda rocha, planta ou criatura,

é un alma, é un ser, quere vivir.

Irmáns son o río e a montaña

de todos dependemos, xa o ves

vivimos moi felices todos xuntos,

nun ciclo fraternal que eterno é.

Escoita aos lobos oubear á lúa azul

e contempla a un raposo sorrir,

fala coa voz das montañas,

para as cores do vento descubrir

as cores do vento descubrir.

Irmáns son o río e a montaña

de todos dependemos, xa o ves

vivimos moi felices todos xuntos,

nun ciclo fraternal que eterno é.

Corramos polo bosque das Fragas

coidemos a riqueza do país

probemos o sabor da nosa terra

que ten tanto especial por compartir.

Escoita aos lobos oubear á lúa azul

e contempla a un raposo sorrir,

fala coa voz das montañas,

para as cores do vento descubrir

as cores do vento descubrir.

(Música da canción "Cores no Vento" da película Pocahontas de Disney)

LINGUA: A SÍLABA TÓNICA

Vamos facer algúns exercicios para repasar a sílaba tónica. Xa sabedes que canto máis practiquedes, mellor aprenderedes.

      

NATURAIS: A DIETA SAUDABLE

Seguimos a traballar na clase de naturais facendo proxectos. aprendemos moitísimo, non só sobre o tema senon tamén a como tomar decisións, repartir traballo, colaborar co grupo, e aportar cada un o que mellor sabemos facer para o ben do grupo. Gústanos moitísimo traballar así. Ollade...

DIETA SAUDABLE - Kizoa Editar Videos - Movie Maker

SOCIAIS: A AUGA NA NATUREZA

Aproveitando que empezou a temporada de chuvias, e que estes días teremos auga para dar e tomar, imos empezar a estudar a hidrosfera. Aquí vos deixo uns videos para que vaiades afondando na materia.... pero ollo, non afoguedes!!!!

MULTIPLICACIÓN RÁPIDA PARA EXPERTOS

Agora que xa sabedes moi ben as táboas, podedes practicar a rapidez con este divertidísimo exercicio. Propóñovos un reto: practicar e practicar ata chegar a 200 puntos. Quen será quen de facelo??

 

FESTIVAL DE NADAL 2016

Para que poidades presumir do artistas que sodes, vos deixo os videos coas actuacións de Nadal.