CHEGAN AS VACACIÓNS!!!!

Un dos mellores agasallos para Nadal é un libro. Con el podes aprender, divertirte e vivir apaixoantes aventuras. Por iso Güino, como todos os anos, vos deixa as súas recomendacións, por se vos interesa engadir algunha delas nas vosas cartas aos Reis Magos. Sexa como sexa, que desfrutedes moito lendo!!!

Por certo, estade atentos estes días porque en canto poidamos colgaremos os vídeos das vosas fantásticas actuacións no festival de Nadal. Sodes uns artistas!!!!


 E lembrade que cando teñades un ratiño podedes vir xogar coas actividades do blogue.

                 BOAS  FESTAS  E  VÉMONOS  NO  2017!!!!!!!

MULTIPLICA CANTANDO

Para este nadal, ademais de cantar panxoliñas ides ter que cantar as táboas de multiplicar .Aprender hai que aprendelas, diso non se escapa ninguén así que .... que mellor forma de facelo que cantando!!
Aquí vos deixo uns videos de Miliki cantando as táboas de multiplicar.
E lembrade que no blog hai moitos xogos para divertirse coas táboas. A aprendelas todas!!!!

     

      

    

FALANDO DO AIRE.....

Onte, o noso compañeiro Antón Tenreiro explicounos un experimento que fixo na casa para demostrar como se move o aire aínda que nós non o vexamos. Moi interesante. Grazas Antón! Encántanos que compartas as túas experiencias coa clase.

ANTÓN E O MOVEMENTO DO AIRE - Kizoa Editar Videos - Movie Maker

XOGA QUE TE XOGARÁS

O pasado 7 de decembro visitamos o museo etnográfico da Capela (polo que nos guiaron Secundino e Abel) e máis o cole de primaria, onde nos recibiu Xabier, o profe de educación física e os seus alumno@s. Faláronnos do seu proxecto de Xogos tradicionais. Xogamos a moitas cousas das que din que xogaban os nosos pais cando eran pequenos. Eles non tiñan todas esas maquiniñas que tanto nos gustan a nós. Pasámolo en grande xogando con eles. Moitas grazas a todos! Foron unhas visitas estupendas!!!

A CAPELA 2016 - Kizoa Editar Videos - Movie Maker

MATEMÁTICAS SIMPÁTICAS

Dalle ao coco!! Para eses días nos que estás aburrido e non sabes que facer aqui che deixo un montón de xogos matemáticos, interesantes e moi divertidos. Eres quen de facer 6 deles??? Empeza probando co da suma e o da resta e logo outros catro da túa elección. Que desfrutes!!

SOCIAIS: O AIRE E A ATMÓSFERA

Iniciamos un tema moi interesante. Aquí tendes uns videos para ir empezando.

NATURAIS. TRABALLOS DOS SENTIDOS

Traballamos en equipo e aprendimos moitas cousas sobre o tema. Buscamos e analizamos información, puxémola en común, debatimos e chegamos a decisións sobre o diseño e o contido , repartimos tarefas, elaboramos e finalmente preparamos unha exposición dos nosos traballos aos nosos compañeiros Gustounos moito esta forma de estudar, porque non todo van ser fichas e controis!!

TRABALLO DOS SENTIDOS - Kizoa Editar Videos - Movie Maker

MAGOSTO E DÍA DO PEÓN 2016

Non chas quero, non chas quero,
as castañas do Magosto,
non chas quero, non chas quero,
que me cheiran a chamosco,
que me cheiran a chamosco
ai la le lo, ai la la loooooooo!!

  Por fin están aquí as fotos do día do Magosto e do Peón, que celebramos no cole o pasado 11 de novembro. Aínda que o tempo non acompañou, e as nosas familias non puideron celebralo connosco, pasámolo estupendamente, e que ricas estaban as castañas!!!!!

MAGOSTO-PEÓN 2016 - Kizoa Editar Videos - Movie Maker

UNHA DE ROMANOS

Para practicar os números romanos....

      

NATURAIS. Os sentidos

Oler unha flor, rechupetear un caramelo, acariñar un can, ver un debuxo, escoitar a nosa canción favorita...... Todas estas cousas podémolas facer grazas aos sentidos. Eles son os que nos relacionan co  exterior. Grazas a eles percibimos e desfrutamos do mundo que nos rodea. Utilízaos ben e desfrútaos...

E CHEGOU O SAMAÍN!!!!

O samaín (Samhain) era unha festa que celebraban os antigos pobos celtas para conmemorar o final da colleita. Os días empezaban a ser máis cortos e as noites máis longas. Os celtas crían, ademais, que nesa noite os mortos voltaban a visitar o mundo dos vivos. Acendían grandes lumeiradas para escorrentar aos malos espíritus. Era a festa nocturna de benvida ao novo ano. O costume era deixar comida e doces fóra das súas casas e acender lumes para axudar ás almas dos mortos a atopar o camiño hacia a luz. No noso cole lembramos esta festividade celta expoñendo as cabazas que traballaron os nen@s coas súas familias. Tamén lemos e escribimos contos de medo, ilustrámolos, facemos manualidades, adornamos todo o cole, vestímonos da ocasión..... Pasámolo xenial!!!

SAMAÍN 16 - Kizoa Editar Videos - Movie Maker

VISITA DE PROTECCIÓN CIVIL

A semana pasada visitáronnos varios membros de Protección Civil de Pontedeume para darnos unha charla sobre normas para unha evacuación segura. Trouxeron un montón de cousas para amosarnos e incluso nos deixaron respirar coas máscaras. Xa nos sentimos máis seguros !!!

PROTECCIÓN CIVIL - Kizoa Editar Videos - Movie Maker

MATEMÁTICAS SIMPÁTICAS. AS TÁBOAS

Quen dixo que aprender matemáticas era aburrido? Imos empezar polas táboas de multiplicar. A divertirse!!!

   

                   

NATURAIS. O CORPO HUMANO

Ser vivo, ser inerte, funcións vitais.... Que distingue a un ser vivo dunha pedra? Atende, atende, que de seguro o descubres nestes videos.

SOCIAIS: O UNIVERSO

Comezamos a nosa andadura polo mundo estudando e descubrindo o universo, que como xa sabedes é ........infinito!!!! Déixovos algúns vídeos dos que vimos na clase para que lles botedes unha ollada.

GATOS, GATOS, GATOS......MIAU!!

GATOS - Kizoa Editar Videos - Movie Maker